టేక్మాల్ : తమ న్యాయమైన సమస్యలను పరిష్కరించాలని కోరుతూ రాష్ట్ర వ్యాప్తంగా ఉన్న అంగన్వాడీ టీచర్లు ‘ఛలో హైదరాబాద్’ కు పిలుపునిచ్చారు. దీంతో అప్రమత్తమైన పోలీసులు ముందస్తుగా ఎక్కడికక్కడే అరెస్టు చేసి పోలీస్ స్టేషన్ కు తరలించారు. అక్రమంగా అరెస్టు చేయడం పట్ల అంగన్వాడీ టీచర్లు ప్రభుత్వ తీరుపట్ల ఆగ్రహం వ్యక్తం చేశారు.
Anganwadi Chalo Hyderabad
ప్రజాస్వామ్యబద్దంగా శాంతియుత మార్గంలో తమ సమస్యల సాధన కోసం నిరసనను వ్యక్తం చేసే హక్కు తమకుందన్నారు. సమస్యలను పరిష్కరించాల్సిన ప్రభుత్వం ఇలా ఎక్కడికక్కడ నిర్భందించడం అప్రజాస్వామికం అని దుయ్యబట్టారు. ప్రభుత్వం ఇచ్చిన హామీలను వెంటనే నెరవేర్చాలని వారు డిమాండ్ చేశారు. ఈ కార్యక్రమంలో మండల పరిధిలోని అంగన్వాడీ కేంద్రాల టీచర్లు ఉన్నారు.