రేపటి నుంచి టేక్మాల్ లో దుర్గమ్మ, పోచమ్మ జాతర

రేపటి నుంచి మండల కేంద్రమైన టేక్మాల్ లో దుర్గమ్మ, పోచమ్మ జాతర ఉత్సవాలను నిర్వహించడానికి అన్ని ఏర్పాట్లు చేశారు.

జాతరకు అన్ని ఏర్పాట్లు పూర్తి

ప్రతి సంవత్సరం హోళి పండుగ అనంతరం ఐదోవ రోజు నుంచి టేక్మాల్ లో దుర్గమ్మ, పోచమ్మ ఉత్సవాలను ఐదు రోజుల పాటు నిర్వహించడం ఆనవాయితీగా వస్తుంది. అందులో భాగంగా ఉత్సవాలకు కావాల్సిన అన్ని ఏర్పాట్లను నిర్వాహకులు చేస్తున్నారు. ఇప్పటికే ఆలయాలకు, అమ్మవార్ల విగ్రహాలకు రంగులు వేసి ముస్తాబు చేశారు.

రేపటి నుంచి ఉత్సవాలు

8వ తేదీ ఆదివారం బోనాల ఊరేగింపుతో ఉత్సవాలు ప్రారంభమవుతాయి. 9వ తేదీన బండ్ల ఊరేగింపు, 10వ తేదీన బండి షిడి, 11వ తేదీన మధ్యాహ్నం కుస్తీ పోటీలు, రాత్రి రథోత్సవం, 12వ తేదీన పాచి బండ్ల ఊరేగింపుతో ఉత్సవాలు ముగుస్తాయి.