Agniveer Recruitment : దేశ రక్షణలో భాగస్వాములు కావాలని కలలుగనే యువతకు భారత సైన్యం సువర్ణావకాశం కల్పిస్తోంది. భారత సైన్యంలో అగ్నివీర్ (Agniveer) రిక్రూట్మెంట్ – 2027 సంవత్సరానికి సంబంధించిన నియామక ప్రక్రియ ప్రారంభమైంది. దేశ రక్షణలో పనిచేయాలనుకునే అర్హులైన యువత ఈ అవకాశాన్ని సద్వినియోగం చేసుకోవాలి.
ఏప్రిల్ 1వ తేదీయే చివరి గడువు
ఆసక్తి కలిగిన అభ్యర్థులు ఇండియన్ ఆర్మీ అధికారిక వెబ్సైట్ www.joinindianarmy.nic.in ద్వారా ఆన్లైన్లో దరఖాస్తు చేసుకోవాలి. ఈ నోటిఫికేషన్కు దరఖాస్తు చేసుకోవడానికి 2026, ఏప్రిల్ 1వ తేదీని చివరి గడువుగా నిర్ణయించారు. అభ్యర్థులు దరఖాస్తు చేసేముందు నోటిఫికేషన్లోని వివరాలను క్షుణ్ణంగా చదవుకోవాలి.
Agniveer Recruitment ఎంపిక ప్రక్రియ ఇలా..
అగ్నివీర్ నియామకాలు పారదర్శకత ఉంటాయి. ఈ ఎంపిక ప్రక్రియలో ప్రధానంగా మూడు దశలు ఉంటాయి.
- రాత పరీక్ష (Online CEE)
- శారీరక సామర్థ్య పరీక్షలు (Physical Fitness Test)
- వైద్య పరీక్షలు (Medical Test)
విద్యార్హతలు మరియు వయస్సు
- విద్యార్హత: అభ్యర్థులు గుర్తింపు పొందిన బోర్డు నుండి 10వ తరగతి (మెట్రిక్యులేషన్) ఉత్తీర్ణత సాధించి ఉండాలి. 5 ప్రధాన సబ్జెక్టులలో కనీసం 45% మార్కులు ఉండటం తప్పనిసరి.
- వయస్సు: 17½ ఏళ్ల నుండి 22 ఏళ్ల మధ్య ఉన్న వారు దరఖాస్తుకు అర్హులు.
- శారీరక ప్రమాణాలు: ఎత్తు ప్రాంతానుసారం నిర్దేశించిన విధంగా ఉండాలి. ఛాతి కొలత కనీసం 77 సెం.మీ ఉండాలి (గాలి పీల్చినప్పుడు 5 సెం.మీ విస్తరించి 82 సెం.మీ వరకు ఉండాలి).
మరిన్ని వివరాల కోసం మరియు ఆన్లైన్ దరఖాస్తు కోసం వెంటనే భారత సైన్యం అధికారిక పోర్టల్ను సందర్శించండి.