BRS Leaders Arrest Tekmal : బీఆర్ఎస్ ఎమ్మెల్యే కౌశిక్ రెడ్డిని సీఐడీ (CID) విచారణకు పిలిచిన నేపథ్యంలో, రాష్ట్రవ్యాప్తంగా బీఆర్ఎస్ శ్రేణులు నిరసనలకు పిలుపునిచ్చాయి. ఈ క్రమంలో టేక్మాల్ మండలంలో పోలీసులు అప్రమత్తమై బీఆర్ఎస్ నాయకులను తెల్లవారుజామునే ముందస్తు అరెస్టులు చేయడం ఉద్రిక్తతకు దారితీసింది.
హైదరాబాద్లోని సీఐడీ ఆఫీసు వద్దకు వెళ్లకుండా, అలాగే మండల కేంద్రంలో ధర్నాలు నిర్వహించకుండా పోలీసులు ముందస్తు చర్యలు చేపట్టారు. టేక్మాల్ పోలీసులు తెల్లవారుజామునే రంగంలోకి దిగి బిఆర్ఎస్ మండల పార్టీ అధ్యక్షులు భక్తుల వీరప్ప, బిఆర్ఎస్ జిల్లా యువత కార్యదర్శి నాయికోటి భాస్కర్ లను అదుపులోకి తీసుకున్నారు.
BRS Leaders Arrest Tekmal ప్రజాస్వామ్యంలో నిరసన హక్కు ఏది?
పోలీసుల తీరుపై మండల పార్టీ అధ్యక్షులు భక్తుల వీరప్ప తీవ్రస్థాయిలో ధ్వజమెత్తారు. ఆయన మీడియాతో మాట్లాడుతూ “ప్రజాస్వామ్య పద్ధతిలో నిరసన తెలిపే హక్కు ప్రతి ఒక్కరికి ఉంది. శాంతియుతంగా ఆందోళన చేయాలనుకున్న నాయకులను తెల్లవారుజామునే అరెస్ట్ చేయడం సరికాదు. ప్రభుత్వ కక్షసాధింపు చర్యల్లో భాగంగానే పోలీసులు ఇలా వ్యవహరిస్తున్నారు.” ఎమ్మెల్యే కౌశిక్ రెడ్డిపై జరుగుతున్న విచారణను నిరసిస్తూ తాము చేస్తున్న పోరాటం ఆగదని, అక్రమ అరెస్టులతో ఉద్యమాన్ని ఆపలేరని ఈ సందర్భంగా నాయకులు స్పష్టం చేశారు.