సంగారెడ్డిలో డిజేఎఫ్ 11వ రాష్ట్ర మహాసభలను జయప్రదం చేయండి.
జోగిపేట సీఐ అనిల్ కుమార్ చేతుల మీదుగా మహాసభల కరపత్రం ఆవిష్కరణ
డిజేఎఫ్ రాష్ట్ర అధ్యక్షులు తలారి యాదగిరి పిలుపు
అందోల్ నియోజకవర్గం ప్రతినిధి సెప్టెంబర్21( ప్రజా నేస్తం ) : ఆందోల్ నియోజకవర్గం జోగిపేట, సెప్టెంబర్ దళిత జర్నలిస్టుల సమస్యల పరిష్కారం, హక్కుల సాధన, సామాజిక న్యాయం కోసం దళిత జర్నలిస్ట్ ఫోరం (డీజేఏ ఫ్ ) ఆధ్వర్యంలో అక్టోబర్ 7న సంగారెడ్డిలో 11వ రాష్ట్ర మహాసభలు నిర్వహించనున్నట్లు ఫోరం రాష్ట్ర అధ్యక్షుడు తలారి యాదగిరి తెలిపారు. ఈ సందర్భంగా మహాసభలకు సంబంధించిన కరపత్రాన్ని జోగిపేట సీఐ అనిల్ కుమార్ తలారి యాదగిరి సమక్షంలో ఆవిష్కరించారు. సంగారెడ్డిలోని పిఎస్ఆర్ గార్డెన్ ఫంక్షన్ హాల్ పాటంచెరువు ఎక్స్ రోడ్ వద్ద జరిగే మహాసభకు రాష్ట్రవ్యాప్తంగా దళిత జర్నలిస్టులు, జిల్లా కమిటీలు, ప్రజాసంఘాల నాయకులు, ప్రజాప్రతినిధులు, మేధావులు పెద్ద సంఖ్యలో హాజరై విజయవంతం చేయాలని పిలుపునిచ్చారు. దళిత జర్నలిస్టులు ఎదుర్కొంటున్న వివక్ష, ఆర్థిక ఇబ్బందులు, సామాజిక సమస్యల పరిష్కారానికి సంఘటిత పోరాటం అవసరమని నిర్వాహకులు తెలిపారు. దళిత జర్నలిస్టులకు ప్రత్యేక కార్పొరేషన్, అక్రిడిటేషన్ సౌకర్యం, ప్రభుత్వ సంక్షేమ పథకాల్లో ప్రాధాన్యత, ఇళ్ల స్థలాలు, విద్యా మరియు వైద్య సదుపాయాలు కల్పించాలని డిమాండ్ చేశారు. ఈ కార్యక్రమంలో జిల్లా కార్యదర్శి జోగ్యల్ల రాజు, జిల్లా కార్యవర్గ సభ్యులు మాదిగ బుచ్చయ్య, తదితరులు పాల్గొన్నారు.
