TTD SSD Tokens : శ్రీవారి బ్రహ్మోత్సవాలు: తిరుపతిలో SSD టోకెన్ల రద్దుపై వదంతులు నమ్మవద్దు.. టీటీడీ కీలక సూచన
తిరుమల శ్రీవారి సాలకట్ల బ్రహ్మోత్సవాల నేపథ్యంలో టైమ్ స్లాట్ సర్వదర్శనం (SSD) టోకెన్ల విషయంలో వస్తున్న అసత్య ప్రచారాలను నమ్మవద్దని తిరుమల తిరుపతి దేవస్థానం (టీటీడీ) భక్తులకు స్పష్టం చేసింది. సెప్టెంబర్ 15 నుంచి 23 వరకు శ్రీవారి బ్రహ్మోత్సవాలు అత్యంత వైభవంగా జరగనున్నాయి.
ఈ సందర్భంగా TTD SSD Tokens భక్తులు గమనించాల్సిన కీలక వివరాలు
- టోకెన్ల జారీ యథాతథం: సెప్టెంబర్ 20 వరకు తిరుపతిలో టైమ్ స్లాట్ సర్వదర్శనం (SSD) టోకెన్లను రద్దు చేసినట్లు జరుగుతున్న ప్రచారంలో వాస్తవం లేదు. టీటీడీ అలాంటి అధికారిక ప్రకటన ఏదీ విడుదల చేయలేదు.
- కౌంటర్లలో దర్శన టోకెన్లు: తిరుపతిలోని నిర్దేశిత కౌంటర్లలో ‘ఫస్ట్ కమ్.. ఫస్ట్ సర్వ్’ విధానంలో యథావిధిగా ఎస్‌ఎస్‌డీ టోకెన్ల జారీ కొనసాగుతోంది.
- సోషల్ మీడియా ప్రచారాలు నమ్మొద్దు: వాట్సాప్, సోషల్ మీడియా వేదికల్లో టోకెన్ల రద్దుపై వచ్చే తప్పుడు వార్తలను భక్తులు విశ్వసించవద్దని, దర్శన వివరాల కోసం టీటీడీ అధికారిక వెబ్‌సైట్‌ను మాత్రమే సంప్రదించాలని అధికారులు సూచించారు.
బ్రహ్మోత్సవాల రద్దీ దృష్ట్యా భక్తులకు ఎలాంటి అసౌకర్యం కలగకుండా అన్నప్రసాదం, పారిశుద్ధ్యం, వైద్య సేవలు, పటిష్ట భద్రతతో పాటు విస్తృత పార్కింగ్ ఏర్పాట్లను టీటీడీ ఇప్పటికే పూర్తి చేసింది. ముఖ్యంగా గరుడసేవ, ప్రధాన వాహన సేవల సమయాల్లో క్యూలైన్ల నిర్వహణపై ప్రత్యేక దృష్టి సారించింది.
