టేక్మాల్: సంగారెడ్డి జిల్లా టేక్మాల్ మండల బీజేపీ బీసీ మోర్చా అధ్యక్షుడిగా దుర్గాప్రసాద్ నియమితులయ్యారు. ఈ మేరకు సంగారెడ్డి బీజేపీ జిల్లా అధ్యక్షులు విఠల్ ఉత్తర్వులు జారీ చేశారు. బీజేపీ సంస్థాగతంగా బలోపేతం చేసే చర్యల్లో భాగంగా ఈ నియామకం జరిగిందని, టేక్మాల్ మండలంలో బీసీ వర్గాల్లో పార్టీని మరింత విస్తరించేందుకు దుర్గాప్రసాద్ కు ఈ బాధ్యత అప్పగించారు. పార్టీలో చాలా కాలంగా క్రియాశీలకంగా పనిచేస్తున్న దుర్గాప్రసాద్ సేవలను గుర్తించి ఈ పదవి ఇచ్చినట్లు జిల్లా నాయకత్వం తెలిపింది. ఆయన నియామకంపై టేక్మాల్ మండల బీజేపీ శ్రేణులు హర్షం వ్యక్తం చేశాయి. ఈ సందర్భంగా నూతన మండల అధ్యక్షుడు దుర్గాప్రసాద్ మాట్లాడుతూ, తనపై నమ్మకం ఉంచి అవకాశం కల్పించిన జిల్లా అధ్యక్షులు విఠల్ కు, జిల్లా నాయకత్వానికి ధన్యవాదాలు తెలిపారు. కేంద్ర ప్రభుత్వం అమలు చేస్తున్న బీసీ సంక్షేమ పథకాలను ప్రతి గ్రామానికి తీసుకెళ్తానన్నారు. రానున్న రోజుల్లో పార్టీలో క్షేత్ర స్థాయిలో మరింత బలోపేతం చేయడానికి పనిచేస్తానన్నారు.

మరిన్ని తాజా వార్తల కోసం ఫాలో అవ్వండి

Also read

అల్మాయిపేట్‌లో వైభవంగా దేవీ శరన్నవరాత్రులు.. శ్రీ మహా చండీ దేవిగా దర్శనమిచ్చిన దుర్గామాత